PDEA, BJMP nagsagawa ng greyhound operation sa San Juan City Jail

MANILA, Philippines – Nagsagawa ng joint greyhound operation ang Philippine Drug Enforcement Agency at Bureau of Jail Management and Penology sa San Juan City Jail Female Dormitory dakong alas-5 ng madaling araw.

Pinangunahan ni Acting Warden JINSP Adriana C. Conwi ang operasyon na naglalayong pigilan ang pagpasok at pagkakaroon ng ilegal na droga at iba pang kontrabando sa loob ng pasilidad.

Ayon sa BJMP, bahagi ito ng patuloy na pagsisikap nitong mapanatili ang disiplina, seguridad at kaayusan, gayundin ang kaligtasan at kapakanan ng mga Persons Deprived of Liberty.

Sinabi ng ahensiya na pinalalakas ng pakikipag-ugnayan nito sa PDEA ang mga hakbang upang mapanatiling ligtas, maayos at nakatuon sa rehabilitasyon ang custodial facility. Dave Baluyot