MANILA, Philippines – NAGPULONG sina Pangulong Ferdinand Marcos Jr. at Singapore Prime Minister Lawrence Wong para pag-usapan ang mga paraan para mas palakasin pa ang bilateral relations sa pagitan ng dalawang bansa.
Muling pinagtibay nina Pangulong Marcos at Wong ang napakatagal ng partnership sa pagitan ng Pilipinas at Singapore sa miting sa Istana, kung saan makikita ang tanggapan ng pangulo at prime minister ng Singapore.
“The two leaders discussed expanding trade, harnessing opportunities in artificial intelligence, attracting more investments, and strengthening collaboration in health and social development. They also agreed to pursue new bilateral agreements that will further benefit both nations,” ayon sa Presidential Communications Office (PCO).
“The Philippines and Singapore reaffirmed their shared commitment in keeping ASEAN as a peaceful, stable, and prosperous region with greater opportunities for their peoples,” dagdag pa nito.
Sa kabilang dako, si Pangulong Marcos ay nasa working visit sa Singapore mula Hulyo 14 hanggang 16. Nakatakda nitong makapulong ang mga business leaders at mga investors sa Milken Institute Private Roundtable Discussion.
Samantala, nakatakda namang magbigay ng kanyang menshae si Unang Ginang Liza Araneta-Marcos sa Global Economic Cooperation East Summit. KRIS JOSE
