MANILA, Philippines – Kinumpirma ng kampo ni Vice President Sara Duterte na nasa The Hague, Netherlands siya habang nagpapatuloy ang ikawalong araw ng kanyang impeachment trial.
Ayon kay defense spokesperson Atty. Michael Poa, nasa The Hague ang bise presidente ngunit inaasahang babalik din siya sa bansa. Wala pang ibinibigay na detalye ang Office of the Vice President tungkol sa layunin ng kanyang biyahe.
Nasa kustodiya ng International Criminal Court (ICC) sa The Hague ang ama niyang si dating Pangulong Rodrigo Duterte, na nakatakdang litisin sa Nobyembre 30 kaugnay ng kasong crimes against humanity.
Samantala, kinahaharap ni Vice President Duterte ang apat na Articles of Impeachment na may kinalaman sa umano’y:
–maling paggamit ng P612.5 milyong confidential funds ng OVP at DepEd;
–hindi maipaliwanag na yaman, hindi tamang paghahain ng SALN, at hindi pag-divest ng negosyo;
–umano’y panunuhol at iregularidad sa procurement sa DepEd; at
–umano’y pagbabanta kina Pangulong Ferdinand Marcos Jr., First Lady Liza Araneta-Marcos, at dating House Speaker Martin Romualdez. RNT/MDS
