MANILA, Philippines – Nagsuspinde ng face-to-face classes ang ilang paaralan at lokal na pamahalaan sa Miyerkoles, Hulyo 22, 2026, dahil sa transport strike at paggunita ng mahahalagang okasyon sa kanilang lugar.
Suspendido ang in-person classes mula kindergarten hanggang senior high school sa Manila at Caloocan campuses ng University of the East.
Sa General Santos City, walang face-to-face classes sa lahat ng antas ng mga pampublikong paaralan bilang pagdiriwang ng Indigenous People’s Blaan Day.
Suspendido rin ang klase sa lahat ng antas sa mga pampubliko at pribadong paaralan sa Kawit, Cavite para sa Pistang Bayan bilang parangal kay Sta. Maria Magdalena. RNT
