MANILA, Philippines – Sinabi ni Senate Minority Leader Alan Peter Cayetano na magiging mas mahirap ang trabaho ng Senado kung aabot pa hanggang Oktubre o Nobyembre ang impeachment trial laban kay Vice President Sara Duterte.
Ayon kay Cayetano, kasabay ng impeachment ay kailangan ding pagtuunan ng Senado ang panukalang 2027 national budget, kumpirmasyon sa mga presidential appointees, at iba pang priority bills.
“It will be challenging… It’s more concerning if this impeachment reaches up until October or November, because remember, November would be budget hearings here in the Senate,” ani Cayetano.
Nauna nang sinabi ni Senate President Sherwin Gatchalian na ang impeachment trial at plenary sessions ay gaganapin tuwing Lunes hanggang Miyerkules, habang ang committee hearings at iba pang gawain ay isasagawa tuwing Huwebes hanggang Sabado.
Sinabi rin ni Cayetano na kailangan ding makapunta ng mga senador sa iba’t ibang bahagi ng bansa dahil sila ay halal ng buong Pilipinas.
Sa kabila nito, iginiit niya na dapat gampanan ng Senado ang lahat ng tungkulin nito.
“We just have to rise to the challenge,” aniya. RNT/MDS
