MANILA, Philippines – Ilang pangalan ng pagkain ang nakatanggap ng ilang libong confidential funds ni Vice President Sara Duterte na nakalista sa liquidation hinggil sa P125 milyong pondo nito sa halip na gamitin na opisyal na paggagamit.
Sa kanyang testimonya sa impeachment trial ni Duterte, binanggit ni Commission on Audit-Intelligence and Confidential Funds Audit Office (COA-ICFAO) auditor Xylene del Campo na tumanggap ng confidential funds ang mga pangalan ng pagkain tulad ng Pampano, Kamote, Keso at iba pa.
Inilantad ni House prosecution counsel Lorna Kapunan ang ilang karagdagang acknowledgment receipts (ARs) na sumasakop sa third quarter ng 2023, na kinasasangkutan ng P125 million sa confidential funds na ginamit ng Office of the Vice President (OVP) mula July 14 hanggang Sept. 30, 2023.
Ilan sa pangalan na binanggit ng OVP sa ARs ang mga sumusunod na pangalan at pinaggamitan ng pondo:
Sa pagbili ng impormasyon:
Beverly Claire Pampano – P130,000
Renan Piatos – P110,000
Kokoy Villamin – P50,000
Denise Tanya Escudero – P120,000
Pambili ng supplies, materials at kagamitan sa confidential operations (Payment for the Purchase of Supplies):
Matthew N. Keso – P250,000
Nova Santos – P50,000
Salah Casim – P180,000
Xiaome Ocho – P100,000
Jay Kamote – P200,000
Miggy Mango – P50,000
Honeylet Camille Sy – P350,000
Para sa Reward Payment:
Contis, Connor Adrian – P50,000
Kristine Applegate Estrada – P50,000
Pinansin din ni Kapunan sa korte ang pangalan na Keso, Escudero, Honeylet at Estrada, na katulad ng pangalan ng kilalang personalidad pulitikal.
Kaya naitanong ni Kapunan kay Del Campo kung ano ang kanyang obserbashon sa ARs.
“Yung sa mga payment of rewards po, hindi po siya supported ng documents evidencing success, yung sa purchase of supplies po, hiningan ko po ng additional documentation to ascertain na binayad po talaga ito para sa supplies na ginamit sa confidential operations,” ani del Campo.
Isinumite ang resibo ng OVP bilang tugon sa Audit Observation Memorandum (AOM) na hiningi sa karagdagang dokumento na kailangan sa liquidation ng pondo na sumasakop sa third quarter ng 2023.
“The AOM cited four findings, including the failure to submit documents evidencing payments for confidential fund disbursements, lack of supporting documents for reward payments, failure to specify activities in their physical and financial plan, and disbursement vouchers that were not signed by the recipient or the special disbursing officer,” ayon kay Del Campo.
“The OVP, in their response to the AOM, likewise submitted certifications for the reward payments and purchase information operation report,” ayon pa kay del Campo. Ernie Reyes
