MANILA, Philippines – Nanawagan ang mga maliliit na mangingisda, marine scientists, fisheries experts, at kinatawan ng international marine conservation group na Oceana para sa agarang paglalagay ng vessel tracking devices sa mga commercial fishing vessel.
Ginawa nila ang panawagan sa isang press briefing sa Quezon City noong Agosto 11, 2026.
Ipinahayag ng mga grupo ang kanilang pag-aalala sa desisyon ng Korte Suprema noong Hulyo 30 na nagdeklara na labag sa Konstitusyon ang Fisheries Administrative Order (FAO) 266.
Ang FAO 266 ay nag-aatas sa mga commercial fishing vessel na gumamit ng tracking devices at magpadala ng real-time data upang makatulong sa pagpigil sa illegal, unreported, and unregulated (IUU) fishing. Danny Querubin
