MANILA, Philippines – Naniniwala ang Department of Social Welfare and Development (DSWD) na ang record-low na pagbaba ng poverty incidence mula 15.5% tungo sa 9.7% ay patunay na epektibo ang mga programa ng administrasyong Marcos para matulungan ang mahihirap na pamilya.
Batay ito sa 2025 data ng Philippine Statistics Authority (PSA).
Ayon kay DSWD spokesperson Assistant Secretary Irene Dumlao, magandang senyales ang pagbaba ng poverty rate at nagpapakita itong gumagana ang whole-of-government strategy laban sa kahirapan, lalo na ang mga pangunahing programa tulad ng Pantawid Pamilyang Pilipino Program (4Ps).
“This is a positive development and an affirmation that the whole-of-government strategy to address poverty alleviation is working, especially through the flagship programs like the Pantawid Pamilyang Pilipino Program (4Ps),” ani Dumlao.
Sinabi rin ni Dumlao na itinuturing ng DSWD ang resulta bilang patunay na nakatutulong ang mga programa nito sa mga mahihirap at vulnerable sectors.
“We also take this historic achievement as proof that what we are doing in implementing our programs is working to help the poor and vulnerable sectors.”
Dagdag niya, ikinatuwa ng DSWD ang resulta at nangakong patuloy pang pag-iibayuhin ang paghahatid ng serbisyo sa mga benepisyaryo. RNT/MDS
