MANILA, Philippines – Sinabi ni Defense Secretary Gilberto Teodoro Jr. na ang planong pagkuha ng advanced fighter jets ay nananatiling nasa ilalim ng konsiderasyon subalit binigyang diin na kailangan munang makakuha ng support systems upang matiyak na ang paglaban ng mga ito ay epektibo.
Sa congressional budget briefing, sinabi ni Teodoro na ang planong pagkuha ng multirole fighters “is still there,” binigyang diin na ang radar systems, air-to-air refueling capabilities, at hangar facilities ay kailangan din na kasama sa pagkuha.
“A multirole fighter… is heavily dependent on ground control and domain awareness. If not, it will be an unguided pilot-controlled aircraft and its use will be marginal,” ang sinabi ng Kalihim sa mga mambabatas.
‘It will be useless” if the warplanes don’t come with air fuel tankers and secured hangars for maintenance, aniya pa rin sabay sabing “So, it comes as a force package.”
Ang Pilipinas ay naghahanap para sa advanced combat jets para palakasin ang air force nito sa gitna ng sea dispute sa Tsina sa West Philippine Sea, bahagi ng South China Sea sa loob ng exclusive economic zone ng Maynila.
“Knowing what we know, we have to have a lot of systems in place before any multirole fighter,” aniya pa rin, miling inulit na 40 jets ang kailangan para masiguro ang mapagkakatiwalaang “force package.”
Inilarawan naman ni Teodoro ang “modernizing the armed forces… is indeed a tough nut to crack,” sabay sabing ang auxiliary systems ay kailangan na nasa ayos muna bago ang anumang big-ticket equipment acquisition.
‘The equipment we use is just the tip of the spear. But without the support systems for those pieces of hardware… everything will be just useless because they will be unsustainable,” aniya pa rin.
Ang defense modernization program ng Pilipinas ay isa ring “equipment heavy, but not support heavy,” sabay sabing “that necessary structures to house and maintain military hardware are underfunded.”
Sa ilalim ng panukala ng defense department sa 2027 budget, ang capital outlays ay pinaglaanan ng P32.671 billion, 86.37% na mas mababa sa P239.733 billion sa hiniling. (KRIS JOSE)
