MANILA, Philippines – Nilinaw ng Quezon City Police District (QCPD) nitong Biyernes, Setyembre 4, na ang deployment ng nasa 50 police officers sa Quezon City Hall of Justice ay para magbigay ng seguridad kasunod ng pag-iisyu ng arrest warrant laban kay Vice President Sara Duterte.
Ayon kay QCPD director PBGen. Christopher Olazo, ang deployment ng mga pulis ay batay sa hiling ng security management ng gusali at hindi bilang bahagi ng operasyon para arestuhin si Duterte.
“As of now, wala po kaming aarestuhin. Kaya po kami nandyan para po i-secure ‘yung court dahil po sa request ng kanilang building security,” sinabi ni Olazo.
Idinagdag pa niya na wala pang impormasyon ang QCPD kung magpipiyansa si Duterte.
Matatandaan na nag-isyu ang Quezon City Regional Trial Court Branch 98 ng arrest warrant laban kay Duterte sa three counts ng grave threats.
Itinakda ng korte ang piyansa niya sa P120,000 bawat bilang. RNT/JGC
