MANILA, Philippines – Tatlong linggong nag-operate sa Panatag Shoal ang isang Chinese survey vessel, ayon kay Philippine Coast Guard spokesperson for the West Philippine Sea Rear Adm. Jay Tarriela nitong Biyernes, Setyembre 4.
Ani Tarriela, ang Haiyang Dizhi Shihao ay nagsasagawa ng “marine scientific research,” at sinabing “the DFA (Department of Foreign Affairs) confirms no permit was ever issued” para rito.
“It is illegal,” sinabi pa ni Tarriela.
Ang 76 metrong barko ay nasa EEZ ng bansa mula pa noong Agosto 10 kabilang ang 22-kilometer territorial sea sa paligid ng Panatag Shoal.
Aniya, ang timing ng operasyon ng barko ay tila sadya dahil pumasok ito sa lugar habang binabayo ng mga bagyo at Habagat ang Pilipinas.
“China moved its survey vessel in at precisely the moment our vessels were least able to intercept it,” sinabi ni Tarriela.
Ang barko ay pinatatakbo ng Guangzhou Marine Geological Survey sa ilalim ng China Ministry of Natural Resources.
Kaya ng barko na magsagawa ng drillingsa seabed at hindi isang pangkaraniwang research vessel.
Noong 2023, ang barko ay nakapag-drill ng 302.07 metro sa ilalim ng seafloor.
Wala pang tugon ang Chinese Embassy kaugnay nito. RNT/JGC
