35 respondenrs mula sa Las Pinas DRRMO, BFP, PNP sumailalim sa flood incident response training

MANILA, Philippines – Tatlumpu’t tatlong responders mula sa Las Piñas Disaster Risk Reduction Management Office (LPDRRMO), Bureau of Fire Protection (BFP NCR Las Piñas City), at Philippine National Police (PNP Las Piñas City Police Station) ang nagtapos sa Flood Incident Response Safety Training (FIRST) na isinagawa mula Agosto 24 hanggang 27, 2026 sa Brgy. Laiya Aplaya, San Juan, Batangas.

Layunin ng pagsasanay na palakasin ang kaalaman at kakayahan ng mga responders sa agarang pagtugon sa mga insidente ng pagbaha at iba pang water-related emergencies, kabilang ang search and rescue operations.

Pinangunahan ng LPDRRMO ang training, katuwang ang mga instructor mula sa 525th Combat Engineer Battalion, Combat Engineer Regiment, Philippine Army.

Sa pamamagitan ng ganitong pagsasanay, higit na napaghahandaan ng mga responders ang mga sitwasyong nangangailangan ng mabilis, maingat, at koordinadong pagkilos upang maprotektahan ang buhay ng mga residente sa panahon ng sakuna.

Patuloy na pinaiigting ng Pamahalaang Lungsod ng Las Piñas ang kahandaan ng mga frontliner at emergency responders upang masiguro ang mas ligtas at mas epektibong disaster response sa lungsod. RNT