15 trak ng P960M ismagel na sigarilyo naharang sa Pampanga

MANILA, Philippines – Nagresulta sa pagharang ng 15 trailer truck na may dalang tinatayang P960 milyong halaga ng hinihinalang ismagel at iligal na sigarilyo ang follow-up operation ng Police Regional Office 3 (PRO3) sa Pampanga nitong Miyerkules, Setyembre 9.

Ang operasyon ay resulta ng naunang pagharang sa Mabalacat City, kung saan natagpuan ang isang sasakyan na may kargang 759 na malalaking kahon ng pinaghihinalaang sigarilyo.

Isiniwalat ng karagdagang imbestigasyon na ang kargamento ay nagmula sa isang pribadong daungan sa Mariveles, Bataan, na nagdulot ng pagmamatyag sa lugar ng mga operatiba ng paniktik ng Regional Special Operations Group – Regional Intelligence Division 3 (RSOG-RID3).

Minanmanan ang mga trak palabas ng daungan at kalaunan ay naharang ng mga operating unit sa Abucay, Limay, at Orion sa Bataan, at Lubao sa Pampanga. N

atukoy na ang mga trak ay may kargang malaking dami ng pinaghihinalaang smuggled/iligal na sigarilyo na may tinatayang halaga na ₱960 milyon, na sasailalim sa beripikasyon ng Bureau of Customs. RNT