MANILA, Philippines – Mariing kinokondena ng National Federation of Labor Unions (NAFLU) ang mapanlinlang at lihim na pagpapatupad ng Wage Order No. 28 (WO28) ng DOLE at RTWPB NCR.
Ang Wage Order No. 27 (WO27), na inilabas ng DOLE at RTWPB NCR noong ikalawang kwarter ng taon, ay nagtakda ng dalawang bahagi ng pagtaas ng sahod na nakatakdang ipatupad noong nakaraang Hulyo at sa Enero ng susunod na taon.
Ang hakbang ng DOLE at RTWPB NCR na bawasan ang paunang P85 na pagtaas ng sahod sa ilalim ng WO27—na pinilit itong ibaba sa P60 lamang—ay isang hayagang pag-atake sa kolektibong karapatan at kapakanan ng mga organisadong manggagawa sa Metro Manila. Sa halip na balansehin ang interes ng mga manggagawa at mamumuhunan, pormal na sumuko ang DOLE sa mga hinihingi ng mga higanteng korporasyon.
