MANILA, Philippines — Ibinasura ni Pangulong Ferdinand “Bongbong” Marcos Jr. ang paglarawan sa pag-aresto kay dating House Speaker Martin Romualdez bilang “drama,” at sinabing si Romualdez mismo ang dapat tanungin kung ganoon niya tinitingnan ang nangyari.
“See if you talk to him, see if he agrees with you,” sinabi ni Marcos sa mga reporter sa sidelines ng BRICS Summit sa India.
Naaresto si Romualdez noong Setyembre 7 kaugnay ng plunder charges na may kinalaman sa flood control projects habang naka-confine sa Cardinal Santos Medical Center sa San Juan City.
Nauna nang tinawag ni Vice President Sara Duterte na “drama” ang umano’y pag-aresto kay Romualdez, kasabay ng palitan nila ng pahayag ni Interior Secretary Jonvic Remulla.
Sinabi ni Marcos na nakikita niya ang naturang komento bilang bahagi ng pulitika at hindi bilang puna sa court procedures.
“It’s just another attack. We get them a lot,” ani Marcos.
