Ombudsman records chief sumalang sa impeachment trial ni Sara

MANILA, Philippines — Humarap nitong Martes, Setyembre 15, sa impeachment court ang isang opisyal ng Office of the Ombudsman bilang testigo ng prosekusyon sa pagpapatuloy ng impeachment trial ni Vice President Sara Duterte.

Iniharap ni House private prosecutor Atty. James Bryan Ibrahim Alih si Atty. Karen Batu, officer-in-charge ng Records Division ng Office of the Ombudsman.

Matapos manumpa bilang prosecution witness, sinimulan ni Alih ang direct examination kay Batu.

Bahagi ang kanyang testimonya ng pagtalakay ng prosecution panel sa Article II ng impeachment complaint na tumutukoy sa alegasyon ng unexplained wealth, false Statements of Assets, Liabilities and Net Worth (SALNs), at business interests laban kay Duterte.

Nauna nang nilinaw ng prosecution na gagamitin ang mga rekord mula sa Ombudsman at iba pang government documents bilang bahagi ng ebidensyang ihaharap nito kaugnay ng naturang alegasyon.

Patuloy namang binibigyan ng pagkakataon ang kampo ni Duterte na kuwestiyunin ang mga testigo at ebidensyang inihaharap laban sa Bise Presidente. RNT