MANILA, Philippines — Inilabas ng Department of the Interior and Local Government (DILG) nitong Martes ang bagong mugshots ni dating House Speaker at Leyte 1st District Rep. Martin Romualdez matapos itong mailipat sa New Quezon City Jail sa Payatas.
Inilipat si Romualdez sa pasilidad ng Bureau of Jail Management and Penology (BJMP) nitong Lunes ng gabi alinsunod sa kautusan ng Sandiganbayan Third Division.
Nauna siyang na-confine sa Cardinal Santos Medical Center sa San Juan City bago inilipat sa Philippine General Hospital para sa medical evaluation.
Unang kinunan ng mugshot si Romualdez habang nasa ospital matapos isilbi ng Philippine National Police-Criminal Investigation and Detection Group (PNP-CIDG) ang warrant of arrest laban sa kanya noong Setyembre 7.
Nahaharap si Romualdez at tatlong iba pa sa kasong plunder kaugnay ng umano’y ₱7.4 bilyong kickbacks mula sa flood control at iba pang government infrastructure projects mula 2022 hanggang 2025.
Ang mga alegasyon ay nakapaloob sa kasong inihain ng Office of the Ombudsman sa Sandiganbayan. Santi Celario
