MANILA, Philippines – Wala umanong natanggap na opisyal na impormasyon ang Department of Justice (DOJ) tungkol sa status ng asylum application ni dating presidential spokesperson Harry Roque.
Ayon sa DOJ, confidential ang mga asylum application, partikular sa mga bansang miyembro ng European Union.
Dahil dito, hindi pa makumpirma ng DOJ kung ibinasura o hindi ang asylum application ni Roque.
Hindi rin sinabi ng DOJ kung saan nakuha ni Interior and Local Government Secretary Jonvic Remulla ang impormasyon na umano’y tinanggihan ang asylum request ng dating presidential spokesperson.
Nauna nang inanunsyo ni Remulla na ibinasura ng isang bansa ang asylum application ni Roque, na agad namang itinanggi ng dating opisyal.
Si Roque ay nahaharap sa ilang kaso sa Pilipinas. Jocelyn Tabangcura-Domenden
