MANILA, Philippines — Lumabas na ng Philippine Area of Responsibility (PAR) ang Bagyong Queenie nitong Linggo ng hapon, Setyembre 27, ayon sa PAGASA.
Sa 5 p.m. bulletin ng state weather bureau, huling namataan ang sentro ng bagyo bandang alas-4 ng hapon sa layong 865 kilometro hilagang-silangan ng Extreme Northern Luzon, nasa labas na ng PAR.
Taglay ni Queenie, na may international name na Surigae, ang maximum sustained winds na 155 kilometers per hour malapit sa gitna at pagbugsong umaabot sa 190 kph.
Kumikilos ang bagyo pahilagang-silangan at sinabi ng PAGASA na malapit na itong maabot ang pinakamalakas nitong intensity bago bumilis patungo sa karagatang timog ng mainland Japan.
Hindi direktang nakaapekto si Queenie sa bansa habang nasa loob ng PAR at walang Tropical Cyclone Wind Signal na itinaas kaugnay nito.
Pinayuhan pa rin ng PAGASA ang publiko at mga disaster risk reduction and management offices na patuloy na bantayan ang mga weather advisory at gumawa ng kaukulang pag-iingat kung kinakailangan. RNT
