MANILA, Philippines – Kinuwestyon nina Senate President Win Gatchalian at Senator-judge Raffy Tulfo nitong Martes di Mayor Sebastian “Baste” Duterte kung bakit sunod-sunod na nakakuha ng kontrata ang GenCorp Industries Inc. sa Davao City government mula 2022 hanggang 2026.
Sa gitna ng impeachment trial ni Vice President Sara Duterte, kapatid ni Mayor Baste, tinutukan nia Gatchalian at Tulfo ang 15 kontrata ng GenCorp na pag-aari ng bise presidente na pawang nakalagay sa kanyang SALN.
Tugon naman ni Baste Duterte, hindi lamang 15 ang kontrata ng GenCorp kundi umabot sa 19 na kontrata ang iginawad sa naturang kampanya.
“I noticed in the presentations that the Davao City LGU has contracts with Gencorp — 15, which you clarified was actually 19. Didn’t you ask Atty. Tristan Domingo why Gencorp had so many consecutive contracts with the LGU from 2022 all the way to 2026?” tanong ni Gatchalian.
Sinabi ng senador na karaniwan sa mga LGU ay may ilang caterer na lumalahok sa procurement, kaya nagtaka siya kung bakit GenCorp lang ang madalas manalo.
Sa sagot ni Mayor Duterte, sinabi niyang tinanong niya si Atty. Tristan Domingo, assistant city administrator, tungkol dito. Ayon kay Domingo, qualified at kumpleto sa requirements ang GenCorp.
Inamin din ng alkalde na hindi niya nireview ang abstracts of quotation. “I only asked whether the proper procurement process had been followed and whether any law or procedure had been bypassed,” sabi ni Baste.
Samantala, binigyang-pansin naman ni Sen. Raffy Tulfo ang umano’y posibleng iregularidad sa procurement.
Itinuro ni Tulfo na 2020 lang narehistro sa SEC ang GenCorp, pero nakakuha na ito ng kontrata sa lungsod mula 2022 hanggang 2026. Labag daw ito sa eligibility guideline na nagsasabing dapat may limang taong operational track record ang kumpanya sa parehong linya ng negosyo.
“So, if it was modified in 2024, GenCorp should have been disqualified from receiving contracts under the five-year rule. Therefore, are you not aware that there was an irregularity in accepting contracts with GenCorp?” tanong ni Tulfo.
Sumagot si Mayor Duterte na maaaring nirebisa o iniba ng local Bids and Awards Committee o BAC ang guidelines para sa ilang bidding.
“If such adjustments were validly made under the law, no irregularity occurred,” aniya. Pero sinabi rin niyang i-beberipika niya sa BAC ang eksaktong detalye.
Ang mga kontrata ng Davao City sa GenCorp ay bahagi ng ebidensyang inilalatag ng prosecution sa Article II ng impeachment complaint laban kay VP Sara Duterte, na may kaugnayan sa unexplained wealth at business interests.
Patuloy pa rin ang pagdinig ng Senate Impeachment Court. Ernie Reyes
