MANILA, Philippines – Magkakaroon na ng mas malinaw na pathway ang mga benepisyaryo ng TUPAD mula sa panandaliang trabaho tungo sa skills development, livelihood at sustainable employment.
Sa ilalim ng Department Order No. 239-E, Series of 2026 na inilabas ni Labor Secretary Francis N. Tolentino, pinalakas ang emergency employment program sa pamamagitan ng work-to-skills, work-to-enterprise at work-to-employment pathways.
Ayon kay Tolentino, hindi na lang bibilangin ang araw ng pagtatrabaho at sahod — layon na matulungan ang benepisyaryo na makatawid sa mas sustainable na hanapbuhay, alinsunod sa direktiba ni Pangulong Ferdinand Marcos Jr.
7 flagship innovations:
1. SkillPass – Ginagawang skills record ang TUPAD experience. Ipo-profile ang benepisyaryo, ilalagay sa angkop na trabaho, at ire-refer sa TESDA training, assessment at certification para magkaroon ng SkillPass na magbubukas ng oportunidad.
2. Tropa Negosyo Trabaho –Bubuo ng grupo na may 5 miyembro pataas na may parehong skills para magnegosyo. Maaaring makatanggap ng P50,000 hanggang P500,000 na puhunan, plus business planning, training, mentoring at market linkage. Maaari ring mag-ambag mula sa TUPAD wage bilang group capital.
3. Sagip-Trabaho – Wage subsidy sa MSMEs para maiwasan ang pagsasara at tanggalan. Hanggang 35 workers per employer, hanggang 90 araw na subsidy katumbas ng wage hike, habang tuloy ang benepisyo at job stability.
4. KaHANAP –Tulay sa tunay na employer. Hanggang 90 araw na supervised workplace experience para sa job-ready TUPAD workers, IPs/ICCs, nasa GIDA, SHS at tech-voc grads, at first-time jobseekers. Hinihikayat ang MSMEs na i-hire sila pagkatapos.
5. Match Fund LGU – Hati ang pondo ng DOLE at LGU para mas maraming benepisyaryo. May tatlong package: Match Serbisyo (public facilities), Match Luntian (waste, environment, climate action), at Match Digital (digitization). Prayoridad ang 4th-6th class municipalities.
6. Tulong-Aral –TUPAD para sa education grads at mentors na tutulong sa Grades 1-3 learners na hirap sa reading, writing at math. Hanggang 5 learners per mentor, may 10 araw na training, sa public schools o authorized learning venues . Jocelyn Tabangcura-Domenden
