MANILA, Philippines — Umabot sa 4,165 sa kabuuang 4,447 examinees, o 93.6 porsiyento, ang pumasa sa October 2026 Physicians Licensure Examination, ayon sa Professional Regulation Commission (PRC).
Nanguna sa listahan ng mga performing school ang University of Santo Tomas (UST), na nagtala ng 100 porsiyentong passing rate mula sa 312 examinees.
Nagtala rin ng 100 porsiyentong passing rate ang apat pang paaralan: University of the Philippines Manila na may 174 pumasa, University of the East Ramon Magsaysay Memorial Medical Center na may 161, Ateneo School of Medicine and Public Health na may 136, at West Visayas State University sa La Paz na may 100.
Kabilang sa iba pang paaralang may mahigit 100 examinees at mataas na passing rate ang St. Louis University na may 122 sa 123 pumasa (99.19%); Far Eastern University–Nicanor Reyes Medical Foundation, 174 sa 176 (98.86%); De La Salle Medical and Health Sciences Institute, 205 sa 208 (98.56%); Davao Medical School Foundation, 142 sa 145 (97.93%); University of Northern Philippines–Vigan, 137 sa 144 (95.14%); at Our Lady of Fatima University–Valenzuela, 473 sa 538 (87.92%).
Sa mga paaralang may 50 hanggang 99 examinees, nakapagtala rin ng 100 porsiyentong passing rate ang Pamantasan ng Lungsod ng Maynila (95/95), San Beda University (79/79), St. Luke’s College of Medicine–William H. Quasha Memorial (77/77), Cagayan State University–Tuguegarao (52/52), Xavier University (52/52), at Cebu Institute of Medicine (50/50).
Samantala, sa mga paaralang may 25 hanggang 49 examinees, 100 porsiyentong passing rate ang naitala ng University of Cebu College of Medicine Foundation Inc.–Mandaue (49/49), Angeles University Foundation (48/48), Ateneo de Zamboanga University (41/41), Bicol University–Legazpi (37/37), Silliman University (37/37), University of Southern Mindanao–Kabacan (32/32), Pines City College (28/28), Metropolitan Medical Center College of Arts, Science and Technology (25/25), at Western Mindanao State University–Zamboanga City (25/25). RNT/MDS
