MANILA, Philippines – Sinimulan ng Office of the Ombudsman ang preliminary investigation laban kay Cagayan Rep. Joseph Lasam Lara at mga miyembro ng pamilya nito kaugnay sa umano’y financial interest sa construction companies na nakapag-uwi ng bilyon-bilyong halaga ng kontrata sa pamahalaan.
Sa pahayag, sinabi ng Ombudsman na si Lara ay iniimbestigahan sa posibleng plunder sa ilalim ng Republic Act No. 7080 at umano’y paglabag sa Section 3(h) ng RA 3019 o Anti-Graft and Corrupt Practices Act.
Kabilang sa iniimbestigahan ang asaw ni Lara na si Zarah Rose Lara, at mga anak nitong sina Joseph Joshua, Joseph Jeremy, Joseph Kyle, at Joseph II, maging ang daughter-in-law nito na si Jessa Lara.
Ayon sa Ombudsman, nananatili umano ang financial interests ni Lara sa tatlong construction companies na pumasok sa kontrata sa Department of Public Works and Highways (DPWH) habang ito ay vice chair ng House committee on appropriations.
Ang mga kompanyang ito ay ang JLL Pulsar Construction Corp., JDL5 Construction Corp., at Pulsar Construction Corp.
Sinabi ng Ombudsman na bigong ma-fully divest ni Lara ang financial interests nito sa construction companies habang nagsisilbing miyembro ng Kongreso na lumabag sa restriksyon na nasa Konstitusyon.
Tinukoy na sa ilalim ng Article VI, Section 14 ng 1987 Constitution, “members of Congress are prohibited from having direct or indirect financial interests in government contracts during their term of office.”
“Rep. Lara was said to have, in conspiracy with his family members, illegally amassed approximately P10.02 billion while holding public office,” ayon sa Ombudsman.
Pagpapatuloy pa, sinabi rin ng Ombudsman na si Lara at ang ilang miyembro ng pamilya “allegedly concealed their identities as beneficial owners of construction firms involved in the government projects.”
Iginiit din na ang mga alegasyon “remain subject to preliminary investigation,” kung saan ang mga akusadong respondents “will have the opportunity to answer the complaints and present their defenses.”
“The preliminary investigation will determine whether sufficient evidence exists to warrant the filing of criminal charges before the appropriate court,” sinabi pa.
