MANILA, Philippines – Nagsumite na ang Judicial and Bar Council (JBC) ng shortlist kay Pangulong Ferdinand Marcos Jr. para sa pagtatalaga ng bagong Deputy Ombudsman for Luzon.
Anim sa 15 aplikante ang napiling isama sa shortlist.
Kabilang dito sina:
– Dennis Arvin Lim Chan – Chief State Counsel, DOJ
– Joeven Diaz Delleza – Regional Trial Court Judge, Mandaluyong
– Francisco Padilla Felizmenio – Regional Trial Court Judge, Malolos, Bulacan
– Ryan Pajares Medrano – Director IV, Office of the Ombudsman
– Rodolfo John Robert Castillo IV – Undersecretary, Presidential Management Staff
– Nicholas Felix Lopez Ty – Undersecretary, DOJ
Sinuman ang mapili ni Pangulong Marcos mula sa anim ay papalit kay Deputy Ombudsman for Luzon Hon. Carmelito Somido na nagtapos ang termino noong Agosto 27, 2026.
Pirmado ni Supreme Court Chief Justice Alexander Gesmundo bilang ex-officio chairperson ng JBC ang nomination letter para sa Pangulo ngayong Oktubre 26, kasama ang iba pang miyembro ng JBC. Jocelyn Tabangcura-Domenden
