MANILA, Philippines – Humiling si election lawyer Romulo Macalintal sa Supreme Court (SC) na magdaos ng oral argument sa petisyon na buwagin ang Barangay and Sangguniang Kabataan Elections (BSKE) Postponement Law.
Inihain niya ang urgent motion electronically sa SC noong Oktubre 25 at iginiit na layon ng batas na ipagpaliban ang November 2026 BSKE at hindi para magsilbing “genuine term-setting measure.”
Inilarawan niya ito bilang “great debate for the people’s voice to be heard and respected,” Macalintal sought to have the oral arguments held at the “earliest available date.”
Hiniling din niya sa SC na mag-isyu ng status quo ante order at restraining order sa implementasyon ng batas habang hinihiling na isailalim sa oral argument ang kaso.
Iginiit pa ni Macalintal na ang BSKE postponement law ay isang “transparent semantic maneuver” at “a clear violation of the people’s right of suffrage.”
Ipinunto rin niya na ang termino ng mga barangay official na nahalal noong Oktubre 2023 ay dapat na nagtapos na noong Disyembre 2025. RNT/JGC
