MANILA, Philippines – Isinumite na ng Judicial and Bar Council (JBC) kay Pangulong Ferdinand Marcos Jr. ang shortlist ng mga kandidato para sa mababakanteng posisyon ng Chief Justice at Associate Justice ng Supreme Court.
Magkakaroon ng bakante sa Korte Suprema dahil sa nakatakdang pagreretiro ni Chief Justice Alexander Gesmundo sa Nobyembre 6 at ni Associate Justice Amy Lazaro-Javier sa Nobyembre 16.
Kabilang sa shortlist para sa pagka-Chief Justice sina Senior Associate Justice Marvic Leonen at Associate Justices Alfredo Benjamin Caguioa, Rodil Zalameda, Japag Dimaampao at Jose Midas Marquez.
Nauna namang umatras sa kanilang nominasyon sina Associate Justices Ramon Paul Hernando at Henri Jean Paul Inting.
Para naman sa mababakanteng posisyon ng Associate Justice, kabilang sa shortlist sina:
Associate Justice Ramon M. Bato Jr.; Solicitor General Darlene Marie B. Berberabe; Commission on Audit Chairperson Gamaliel A. Cordoba; Court of Appeals Associate Justices Ramon A. Cruz, Maria Elisa Sempio Diy at Myra V. Garcia-Fernandez; CA Presiding Justice Fernanda Lampas Peralta; Commission on Elections Commissioner Ernesto P. Maceda Jr.; CA Justices Ronaldo Roberto B. Martin at Walter S. Ong; at Court of Tax Appeals Associate Justice Maria Rowena M. San Pedro.
Sa ilalim ng Article VIII, Section 4(1) ng Konstitusyon, kailangang mapunan ang anumang bakante sa Supreme Court sa loob ng 90 araw mula sa araw ng pagkakabakante.
