MANILA, Philippines – Tinanggap ng Philippine National Police (PNP) ang hamon ng Malakanyang na walang special treatment sa pagsisilbi ng arrest warrant laban kay Senador Ronald “Bato” Dela Rosa.
“We welcome the challenge of Malacañang because it reinforces a fundamental principle of law enforcement: no position, rank, or personal relationship is above the law,” saad sa pahayag ni PNP chief Gen. Jose Melencio Nartatez Jr. nitong Miyerkules, Nobyembre 4.
“The loyalty of every police officer must always be to the Constitution and the law, not to personalities or former positions,” dagdag pa niya.
Nitong Martes ay hinimok ng Malakanyang ang liderato ng PNP na siguruhing ang dating tungkulin ni Dela Rosa bilang hepe ng PNP ay hindi makaapekto sa implementasyon ng kanyang arrest warrant.
Sa panayam noong Sabado, sinabi ni Interior Secretary Jonvic Remulla na ang background ni Dela Rosa bilang dating hepe ng PNP ay nagpahirap pa sa pagtunton at pag-aresto rito. RNT/JGC
