MANILA, Philippines – Pinag-aaralan ni Transportation Secretary Vince Dizon ang pagrerepaso sa limitasyon sa bilang ng mga rider na pinapayagang magserbisyo sa mga motorcycle-taxi provider na ipinapatupad ng Land Transportation Franchising and Regulatory Board (LTFRB).
Sa panayam sa mga mamamahayag, sinabi ni Dizon na nais niyang malaman ang kasalukuyang suplay at demand para sa motorcycle taxi sa Metro Manila.
“What I want to understand is what is the current supply and demand situation here in Metro Manila.”
“How many passengers are there? How many vehicles are available? It is very clear that there is a scarcity. So this regulation on the… maximum number of riders, I think should be reviewed as I believe that this maximum number if no longer applicable,” ani Dizon.
“So, it will be discussed with the LTFRB,” dagdag niya, na tumutukoy sa limitasyon sa bilang ng mga motorcycle-taxi rider.
Inihayag ito ni Dizon habang iniimbestigahan ng LTFRB ang motorcycle-taxi provider na Move It dahil umano sa paglampas nito sa awtorisadong limitasyon na 17,746 rider. Iniulat na pinagmulta ang kumpanya dahil umano sa paglabag, na may iniulat na 55,7575 na sobrang rider.
Samantala, nagpahayag ng suporta ang Coalition of Filipino Commuters (CFC) sa plano ni Dizon na repasuhin ang limitasyon at ibatay ang regulasyon sa aktuwal na pangangailangan ng mga pasahero.
Ayon sa CFC, itinakda ang kasalukuyang limitasyon bago ang pandemya at hindi na umano ito tumutugma sa kalagayan ng pampublikong transportasyon sa Metro Manila.
“With Metro Manila generating an estimated 16 million trips a day, according to JICA transport studies, limiting the capacity of these services risks further straining an already overstretched system. Caps do not close the underlying shortage of public transport —they shrink service availability, lengthen waiting times, and leave commuters stranded at the curb with nowhere else to turn,” pahayag ng grupo.
Dagdag ng CFC, kinikilala nito ang kahalagahan ng regulasyon, ngunit dapat umanong masiguro nito ang kaligtasan at pananagutan ng mga motorcycle-taxi service sa halip na limitahan ang kanilang kakayahang magsakay ng mga pasahero.
“Any limit on supply should rest on demonstrable public interest, not on figures that no longer match what commuters need,” ayon sa grupo. RNT/MDS
