MANILA, Philippines – Nadiskubre nitong Sabado, Nobyembre 7, ang panibagong site na naglalaman ng mga labi ng hayop na itinapon at nakasilid sa plastic bag sa Barangay Gaya-Gaya, San Jose del Monte, Bulacan.
Ayon sa animal welfare group na Luna and Furry Friends, hindi na mabilang ang eksaktong bilang ng mga labi ng hayop na kanilang nadiskubre mula pa sa unang pagkakakita sa mga ito noong nakaraang linggo.
Sa bagong diskubreng site, ang mga labi ng aso at pusa ay nasa iba’t ibang decomposition period na.
Ang ilan ay tila bagong tapon pa lamang ngunit ang iba ay hindi na makilala at liquefied na.
Nitong Sabado, narekober ng grupo ang 12 pang labi ng hayop at 16 pa malapit sa access road.
Ayon kay Chris Taylor, founder ng Luna and Furry Friends, ang search efforts ay sa tulong ng kanilang mga informant na mas piniling hindi makipag-ugnayan sa local government unit (LGU).
“We’ve already checked the other fields, we’ve already gone down to the end, and we checked the bypass road itself, there was nothing that we found anywhere. It was all exactly what we were told. We have a couple of informants that are working with us. They don’t want to deal with the LGU,” sinabi ni Taylor.
Ininspeksyon naman ng mga tauhan ng Barangay Gaya-Gaya at San Jose del Monte police ang lugar matapos makatanggap ng report sa bagong diskubreng site.
Tumanggi namang magbigay ng komento ang kapitan ng barangay sa nagpapatuloy na imbestigasyon.
Nakuhanan ng litrato at video para sa dokumentasyon ang lahat ng mga narekober na labi. RNT/JGC
