Davao City assessor iniharap ng depensa sa impeachment trial

MANILA, Philippines – Haharap bilang unang witness ng defense panel ni Vice President Sara Duterte ang isang Davao City assessor para kontrahin ang mga alegasyon ng unexplained wealth ng Bise Presidente.

Nakatakdang tumestigo si Davao City Assessor Engr. Jaime Adalin kaugnay sa ari-arian ni Duterte sa Matina Crossing na nakalahad sa kanyang statement of assets, liabilities and net worth (SALN), taliwas sa sinabi ng prosekusyon.

Ayon kay defense counsel Lindon Miguel Bacquel, ang testimonya ni Adalin ay magpapatunay din na ang sinasabi ng prosekusyon ay “malicious and completely false” sa pamamagitan ng authentic tax declarations.

Si Adalin ay nagsilbing Davao City assessor sa loob ng siyam na taon matapos hawakan ang kaparehong pwesto sa Cotabato City.

Siya ay isang civil engineer na nakapasa sa board examination noong 1984 at real estate appraiser mula 2015.

Tinutulan naman ni private prosecutor Benjamin Tolosa Jr. ang testimonya ni Adalin sa pagsasabing “there’s no way that this witness could prove that that property indicated in the SALN is the same property covered by the subject TCT (Transfer Certificate of Title).”

“The only thing that this witness could testify on is that possibly, these two properties are in the same barangay, but that will not in any way prove that they are talking about the same property considering the glaring discrepancy between the two,” dagdag ni Tolosa. RNT/JGC