MANILA, Philippines – Sinabi ng Civil Aviation Authority of the Philippines (CAAP) nitong Martes, Nobyembre 10, na false alarm ang napaulat na aksidente sa eroplano sa Davao del Sur.
May kumalat kasing mga report online na isang private plane ang bumagsak sa bangin sa Santa Cruz, Davao del Sur.
Ayon pa sa ulat ay may pitong dayuhan umano ang sakay ng eroplano.
Kinumpirma ng CAAP na ang mga report na ito ay false alarm.
“The Civil Aviation Authority of the Philippines clarified that the reported aircraft accident in Barangay Sinoron, Sta. Cruz, Davao del Sur on November 10, 2026, was a false alarm,” saad sa pahayag ng CAAP.
“The aircraft with registration N882TP was accounted for and confirmed to have landed safely at Butuan Airport,” dagdag pa nito. RNT/JGC
