MANILA, Philippines – HINIKAYAT ni Pangulong Ferdinand Marcos Jr., ang lahat ng member states ng Association of Southeast Asian Nations (ASEAN) na kumilos na may ‘common purpose’ o karaniwang layunin matapos pangunahan ng Pangulo ang pagbubukas ng 49th ASEAN Summit, araw ng Linggo, Nobyembre 15.
Sa naging talumpati ni Pangulong Marcos, inihalintulad nito ang ASEAN sa “balangay” na naiiba sa sukat, kasaysayan at kultura subalit mayroong magkabahaging responsibilidad.
“We differ in size, history, culture, and circumstance; but we come as equals, carrying the hopes of our peoples and a shared responsibility to transform them into a common purpose,” ayon sa Pangulo sa opening ceremony ng summit sa Philippine International Convention Center (PICC), araw ng Linggo, Nobyembre 15.
“We come from different shores, yet, we have chosen to travel forward together,” aniya pa rin.
Sa kabilang dako, binigyang diin ng Pangulo na ang commitment sa hanay ng mga bansa sa rehiyon “matters even more as the waters around us turn on shifting tides.”
Tinukoy nito ang mga hamon na bitbit ng geopolitical tensions, economic uncertainty, mga bagong teknolohiya, climate change, at transnational threats, binibigyang-diin na muling hinuhubog ng mga ito ang rehiyon nang mas mabilis kaysa sa anumang bansang maaaring tumugon nang mag-isa.
Gayunman, sa gitna ng mga kaganapan sa Gitnang Silangan, inilagay sa panganib ang mga ASEAN nationals at pagkagambala sa transportasyon, enerhiya at food supplies, ang regional bloc, ayon sa Pangulo ay “has responded quickly, rethinking, recalibrating, and, re-designing while keeping the longer-term work at center.”
“No Member State possesses every resource, every capability, or every solution required by the challenges and opportunities we face; but where national capacities are tested, regional strength reinforces,” ang tinuran pa rin nito.
Samantala, binigyang diin ni Pangulong Marcos na ngayong taon, pinalakas ng rehiyon ang maritime cooperation at pagtugon nito sa trafficking, cybercrime, online scams, at iba pang transnational threats.
Tinukoy ng Punong Ehekutibo ang pagsisikap ng rehiyon na paghusayin ang ekonomiya, pag-abot sa mga kasosyo, collective ambition nito sa artificial intelligence (AI), habang pinalalakas ang disaster response nito, mas malakas na social protection, mas malaking digital resilience para sa mga kabataan at kooperasyon sa silver economy.
“This is the core of what it means to be part of ASEAN: different nations moving with common purpose, each sharing responsibility, unified in action, for the strength of the whole,” ang tinuran ng Punong Ehekutibo.
“As the balangay reminds us, no journey is made by following one direction alone. It requires trust among those who travel together, the strength to adjust to changing conditions, and a shared sense of commitment towards our shared goals and common destinations,” aniya pa rin. KRIS JOSE
