Home OPINION TULONG SA MGA LGU KONTRA BAHA AT INIT, DENR, C40 AT GCOM,...

TULONG SA MGA LGU KONTRA BAHA AT INIT, DENR, C40 AT GCOM, INILUNSAD PHILLOCAL PROGRAM

1
0

UPANG matulungan ang mga lokal na komunidad na harapin ang lumalalang epekto ng climate change,
mula sa walang tigil na pagbaha at matinding heatwaves hanggang sa pagkasira ng kabuhayan, nakipag-
partner ang Pilipinas, sa pamamagitan ng Department of Environment and Natural Resources (DENR),
sa dalawang pandaigdigang climate networks upang palakasin ang kakayahan ng mga local government
units (LGUs).

Pormal na nilagdaan ni Environment Secretary Juan Miguel "Mitch" T. Cuna ang Memorandum of
Understanding (MOU) para sa Philippines Leadership on Climate Action and Localization (PhilLOCAL)
program kasama sina C40 Cities Climate Leadership Group (C40) Executive Director Mark Watts at
Global Covenant of Mayors for Climate and Energy (GCom) Managing Director Andy Deacon noong
Nobyembre 11 sa sidelines ng 31st Conference of the Parties (COP31).

Pagsasalin ng Pambansang Plano sa Konkretong Aksyon sa Komunidad

Layunin ng PhilLOCAL program na tulungan ang mga LGU na maisalin ang mga pambansang
patakarang pangkalikasan sa konkretong aksyon sa lokal na antas, partikular sa pagpapatupad ng 2026
Nationally Determined Contribution (NDC) at National Adaptation Plan (NAP) ng bansa.

Susuportahan din nito ang pangako ng Pilipinas sa ilalim ng Coalition for High Ambition Multilevel
Partnership (CHAMP) na nagsusulong ng mas mahigpit na koordinasyon sa pagitan ng nasyonal at lokal
na pamahalaan.

Sa ilalim ng kasunduan, magtutulungan ang DENR, C40, at GCom sa tatlong pangunahing larangan:

1. Pagtutugma ng lokal at pambansang patakaran: Pagtiyak na nakaayon ang mga lokal na plano
sa national climate commitments.

2. AI-Assisted Climate Data at Capacity Building: Pagpapabuti sa access ng mga LGU sa climate
data, kabilang ang paglulunsad ng isang artificial intelligence-assisted data pilot upang mapag-
ugnay ang datos sa aktwal na implementasyon, pagbabantay (monitoring), at beripikasyon.

3. Pagbuo ng Bankable Climate Projects: Pagtulong sa mga LGU na gawing investment-ready at
bankable proposals ang kanilang mga lokal na plano upang makahanap ng pondo at makipag-
ugnayan sa mga development and financing institutions.

Hati ng Tungkulin para sa Matatag na Komunidad

Sa nasabing kolaborasyon, ang DENR ang magbibigay ng national policy guidance, teknikal na
kadalubhasaan, at koordinasyon sa mga kaukulang ahensiya ng gobyerno. Samantala, ibabahagi naman
ng C40 at GCom ang kanilang pandaigdigang network, teknikal na suporta, at karanasan sa local climate
governance.

Sama-sama ring kikilos ang tatlong panig upang makakalap ng pondo, masiguro ang inklusibong
partisipasyon ng mga stakeholders, at mapangasiwaan ang mga panganib sa programa upang makabuo
ng mga solusyong nakabatay sa aktwal na pangangailangan ng bawat komunidad sa bansa.

LEAVE A REPLY

Please enter your comment!
Please enter your name here