MANILA, Philippines – Pinangalanan si Air Force Lt. Gen. Rommel Roldan bilang bagong acting vice chief of staff ng Armed Forces of the Philippines (AFP).
Sa pahayag nitong Miyerkules ng gabi, Marso 11, sinabi ng militar na pinalitan ni Roldan si Marine Lt Gen. Jimmy Larida, na nagretiro rin sa kaparehong araw.
Umupo si Roldan sa bagong pwesto sa pamamagitan ng simpleng seremonya sa Tejeros Hall, AFP Commissioned Officers’ Country, Camp Aguinaldo, Quezon City.
Pinangunahan ni AFP chief Gen. Romeo Brawner Jr. ang seremonya at kinilala rin si Larida sa serbisyo nito sa organisasyon.
Ani Brawner, ang posisyon bilang AFP vice chief of staff ay “demanding and indispensable”.
“Under his leadership, the OVCSAFP (Office of the Vice Chief of Staff AFP) continued to perform its mandate with efficiency,” dagdag pa. RNT/JGC
