MANILA, Philippines – UMABOT na sa P142.29 milyon ang pinsala at pagkalugi na natamo sa agrikultura matapos ang pananalasa ng Severe Tropical Storm Uwan.
Sinabi ng Department of Agriculture (DA), ang bagyong Uwan, tinaguriang super typhoon, naapektuhan ang 4,631 magsasaka at 2,482 ektarya ng lupain, habang ang volume ng production loss ay pumalo sa 8,235 metric tons, base sa assessments ng DA regional offices sa Mimaropa at Bicol.
Ang mga apektadong kalakal ay kinabibilangan ng bigas, mais, high-value crops, livestock.
Gayunman, sinabi ng DA na “further damage and losses are expected in affected regions as assessment and validation are ongoing.”
Kasunod ng weather disturbance, sinabi ng departmento na nagbigay ito ng tulong sa mga magsasaka at mangingisda kabilang na ang P379.31 milyong halaga ng farm inputs, P1.24 milyong halaga ng animal feeds, at P771,620,000 halaga ng bangus at tilapia fingerlings.
Sinabi ng DA na “eligible beneficiaries may avail of a P25,000-loanable amount from the Survival and Recovery Loan Program of the Agricultural Credit Policy Council. It is payable in three years at zero interest.”
“The DA, through its RFOs, is continuously working with concerned Local Government Units (LGUs) and other DRRM-related offices to address the impact of ‘UWAN’ and to utilize available resources for assistance to the affected farmers and fisherfolk,” ang sinabi pa rin ng departamento.
Sinabi pa ng DA na nagpapatuloy ang monitoring para sa anumang pagbabago sa presyo at galaw ng agricultural commodities.
Samantala, lumabas na sa Philippine Area of Responsibility (PAR) ang bagyong Uwan, araw ng Martes, subalit maaari itong muling magbalik-PAR, Miyerkules ng gabi kahit pa mag-landfall ito sa southwestern coast ng Taiwan. Kris Jose
