MANILA, Philippines – Nagdulot na ng P3.9 bilyong halaga ng pinsala sa mga pananim ang tagtuyot na dulot ng El Nino, sa 66,000 ektarya ng taniman sa buong bansa.
Sa panayam, sinabi ni Task Force El Niño Asst. Sec. Joey Villarama na kabuuang 103 lungsod at bayan, kabilang ang limang probinsya, ang nagdeklara na ng state of calamity dahil sa pinsala sa El Niño, partikular na ang kakulangan ng tubig sa irigasyon.
“Based on the latest data from the Department of Agriculture, the damage to agriculture has reached P3.94 billion—that’s equivalent to about 66,000 hectares,” ani Villarama.
Bagama’t apektado ng El Nino ang malaking bahagi ng bansa, limang probinsya ang nasa ilalim ng state of calamity dahil sa matinding tagtuyot. Ito ay ang Occidental Mindoro, Antique, Sultan Kudarat, Basilan at Maguindanao del Sur.
“The President has mentioned that the whole country is now affected albeit in varying degrees, so the focus and assistance that the government is giving to the localities is also dependent on the need of each province,” ani Villarama.
Sa kabila nito, umaasa ang pamahalaan na marerekober pa rin ng mga magsasaka ang 78% ng 66,000 ektarya ng mga napinsalang taniman.
“The rice farms may look dried up or burnt, but their crops may still be recovered; for those that are already unrecoverable, the dried-up plants can be given as feeds for farm animals,” dagdag pa niya.
“Based on those figures, we would like to state that somehow, the preventive measures and interventions that we have put in place somehow helped, because the damage is considered negligible compared to what we have experienced in terms of damage historically,” pagpapatuloy nito.
Gumagawa ng paraan ang pamahalaan ng short at long-term solutions para maresolba ang kakulangan sa tubig, na karamihan ay ginagamit para sa irigasyon sa mga taniman. RNT/JGC
