MANILA, Philippines – Inilista ng Metropolitan Manila Development Authority (MMDA) ang mga sumusunod na lugar na binaha nitong 7:55 a.m. Lunes, Nob. 10, 2025, dahil sa mga pag-ulan na dala ng bagyong Uwan.
NAVOTAS CITY
• C4 M. Naval intersection: Gutter deep. Madadaanan ng lahat ng uri ng sasakyan.
• Kahabaan ng M. Naval papuntang Navotas City Hall. Hanggang tuhod na baha. Hindi madadaanan ng light vehicles.
Samantala, inanunsyo ng MMDA ang suspensyon ng implementasyon ng number coding scheme ngayong Lunes, Nob. 10, dahil na din sa hagupit ng bagyong Uwan.
Alas-4 ng umaga ngayong Lunes, tinatayang nasa ibabaw ng baybaying dagat ng Bacnotan, La Union ang sentro ng mata ng bagyong Uwan.
Ang bagyo ay patuloy na humihina at inaasahang lalabas sa Philippine area of responsibility sa Martes. RNT/MND
