Manila, Philippines- Mukhang mahaba-haba ang lalakbayin ng kasong inihain ni Rita Daniela laban kay Archie Alemania.
Nagsampa ng reklamong acts of lasciviousness ang singer-actress laban sa dating co-star sa GMA teleserye na Widows’ War.
Sa programang Showbiz Now Na, nakausap daw mismo ng main host nitong si Cristy Fermin ang embattled actor.
Flatly, itinanggi raw ni Archie ang paratang ni Rita.
Quoting Archie, wala raw katotohanan ang mga alegasyon ni Rita na naganap sa pa thanksgiving party ni Bea Alonzo sa cast and crew ng WW, hanggang makauwi ng bahay si Rita sa Bacoor.
Archie maintained na nilapitan daw siya ni Rita para mag-confide prior to showing up at the party.
“Umiiyak siya sa akin. Sabi niya, ‘Kuya, ayoko talagang um-attend ng party kasi pagkakaisahan na naman nila ako!’, ‘saktong sumbong niya sa akin,” lahad ni Archie.
Sinabihan naman daw ni Archie si Rita na hindi siya pinagkakaisahan tulad ng kanyang iniisip.
Patuloy raw ng aktor, “Hindi ka pinagkakaisahan. Pinagsasabihan ka lang nila para matuto kang mag-join sa kanila!”
Giit ng aktor, parang nakababatang kapatid na raw ang turing niya kay Rita.
At kung hindi nga raw kuya ang tingin nito sa kanya, bakit siya ang nilapitan nito para mag-confide?
Ikinagulat nga raw ni Archie na malamang idinemanda siya nito.
Dahil dito, ulat ni Cristy ay ikinakasa na raw ni Archie ang kanyang counter affidavit.
Nilinaw naman ni Cristy na walang pinapanigan ang kanyang programa. Ronnie Carrasco III
