MANILA, Philippines – Malabo pa sa ngayon ang pagtaas sa Level 3 ng alert status ng Bulkang Mayon, ayon sa Philippine Institute of Volcanology and Seismology (Phivolcs) nitong Biyernes.
“As of today, we are not seeing clear and sustained indicators to raise the alert to Level 3,” ayon kay Phivolcs Director Teresito Bacolcol sa Philippine News Agency.
Naitala ng Phivolcs ang 43 rockfall events mula Enero 1 hanggang Enero 2, bahagyang mas mababa kumpara sa 47 na naitalang rockfall noong nakaraang araw.
Ipinaliwanag ni Bacolcol na ang pagdami ng rockfall ay sanhi ng pag-akyat ng mainit na materyal sa loob ng bulkan, na nagdudulot ng hindi matatag na summit dome at lumang lava deposits.
Itinaas sa Level 2 ang alert status ng Mayon noong Enero 1 dahil sa biglaang pagdami ng rockfall at patuloy na paglaki ng bulkan.
Dagdag ni Bacolcol, “If we observe an escalation of parameters, we may raise the alert level to 3. This will be assessed on a day-to-day basis.” Santi Celario
