BUTUAN CITY – Nagsimula nitong Sabado ang unang bahagi ng pagtaas ng arawang sahod sa Caraga Region, mula PHP435 naging PHP455, alinsunod sa Wage Order No. RXIII-20.
“Ang ikalawang bahagi ng pagtaas sa PHP475 arawang sahod ay ipatutupad din sa Mayo 1 ngayong taon,” ayon sa Department of Labor and Employment.
Binigyang-pansin ni Pol Cabica, isang driver sa isang delivery company, ang benepisyo ng sahod, “Though we vary in reactions and opinions to the wage increase, for me, it’s a help to my family.”
Tumaas din ang buwanang sahod ng mga kasambahay sa rehiyon, mula PHP6,000 naging PHP6,500, batay sa Wage Order No. RXIII-DW-06. RNT
