Ibababa ng Department of Foreign Affairs (DFA) sa Alert Level 2 ang security alert para sa mga Pilipino sa Iran dahil sa “positive developments” sa seguridad ng rehiyon.
Noong nakaraang buwan, nasa Alert Level 3 ang bansa matapos ang palitan ng missile attacks ng Iran at Israel, dahilan ng voluntary repatriation at suspensyon ng deployment ng mga manggagawa.
Sa kabila ng pagbaba ng alert level, magpapatuloy ang Philippine Embassy sa Tehran sa pagtulong sa mga gustong umuwi.
“Patuloy na imo-monitor ng Department ang sitwasyon at ia-update ang alert levels kung kinakailangan,” ayon sa DFA. RNT
