‘Alyansa Para sa Bagong Pilipinas’ senatorial slate ipinakilala na

Opisyal nang umarangkada ang kampanya ng ‘Alyansa Para sa Bagong Pilipinas’ sa Laoag City, Ilocos Norte—ang balwarte ng Pamilya Marcos! Pinangunahan mismo ni Pangulong Ferdinand “Bongbong” Marcos, Jr. ang kickoff rally sa Ilocos Norte Centennial Arena, kasama ang powerhouse senatorial lineup ng administrasyon.

Matinding sigawan at pagbubunyi ang bumalot sa venue habang ipinapakilala ang 12 kandidato ng ‘Alyansa’, na kinabibilangan ng mga batikang mambabatas at subok na lider. Ayon kay campaign manager Rep. Toby Tiangco, hindi lang pangako ang dala ng kanilang hanay—kundi konkretong track record at malasakit para sa bayan.

Binubuo nina dating Interior Secretary Benhur Abalos, Makati City Mayor Abby Binay, Senator Pia Cayetano, Senator Imee Marcos, Senator Lito Lapid, mga dating senador Panfilo Lacson at Manny Pacquiao, Senator Ramon “Bong” Revilla, Jr., dating Senate President Vicente “Tito” Sotto III, Senator Francis Tolentino, dating Social Welfare Secretary Erwin Tulfo at Deputy Speaker Camille Villar ang senatorial lineup ng koalisyon.

Mula Ilocos Norte, lalarga pa ang ‘Alyansa’ sa iba’t ibang panig ng bansa, kabilang ang Iloilo, Davao del Norte, at Pasay, upang iparating ang kanilang adbokasiya para sa ekonomiya, trabaho, at epektibong pamamahala. Cesar Morales