Bulacan – Syut sa kulungan ang isang pinaghihinalaang tulak nang mahulihan umano ng P75, 480 halaga ng iligal na droga sa buy-bust operation ng pulisya sa bayan ng Pulilan.
Sa report kay Bulacan Police director PCOL Franklin Estoro, kinilala ang naarestong suspek na si alyas “Kamote”.
Ayon sa report, ikinasa ang operasyon ng Station Drug Enforcement Unit ng Pulilan police station bandang 7:10 ng gabi nitong Abril 24 sa Brgy. Inaon.
Nakumpiska sa operasyon ang 18 sachets na hinihinalang shabu na may standard drug price na P75,480 at buy-bust money.
Nahaharap sa kaukulang kaso ang suspek habang nakakulong sa naturang istasyon ng pulisya. Dick Mirasol III
