Bulacan – Arestado ang isang hinihinalang tulak matapos mahulihan ng iligal na droga at baril sa buy-bust operation ng pulisya sa bayan ng Obando.
Sa report ng Obando police station, naaresto sa operasyon bandang 11:00 ng gabi nitong Nobyembre 20 sa Brgy. Panghulo ang isang alyas “Shanghai”.
Nakumpiska sa operasyon ang dalawang plastic sachets na hinihinalang shabu na may standard drug price na P3,400, caliber .38, tatlong bala nito at buy-bust money.
Sinasabing ang mga nakumpiska ay dinala sa Bulacan Provincial Forensic Unit para sa kaukulang eksakinasyon.
Nahaharap sa kaukulang kaso ang suspek habang nakakulong sa naturang istasyon ng pulisya. (Dick Mirasol III)
