Manila, Philippines – Hindi hinayaan ni Annabelle Rama na lumampas ang ika-26 kaarawan ni Barbie Imperial nang hindi kasamang dumalo sa party nito.
Sa katunayan, magkasamang nahagip ng video ang mag-inang Annabelle at Richard Guttierez.
Makikita sila sa video partikular sa Instagram stories na ibinahagi ni Vina Morales, also one of the attendees.
Patunay bang boto ang Guttierez matriarch kay Barbie para kay Richard?
In the video, mapapansing may mga kuha roon si Richard who came dressed in white.
Tulad na lang nang nagde-deliver ng speech si Barbie kung saan nakaupo si Richard sa harap nito.
May kuha pang group photo with Richard.
Tahimik namang nakamasid si Annabelle sa mga kaganapan sa naturang pagtitipon.
Pero nang tinawag ni Vina si Annabelle na humarap sa kamera’y ngumiti lang ito.
Matatandaang naiulat ni Ogie Diaz sa kanilang online show nitong May na ayon sa kanyang source ay may namumuo nang MU o mutual understanding sa pagitan nina Richard at Barbie.
Hinulaan ngang magkaroon ng big reveal si Barbie sa kanyang mismong birthday party.
Wala mang naganap na big reveal, sapat na ang isang kuha sa video uploaded by Vina kung saan magkatabi sa upuan ang rumored couple habang nagpe-perform ang isang invited artist.
Ano pa rin ba ang ibig ipakahulugan ng presensya ni Annabelle na tila may basbas sa kung anong meron sa anak at kay Barbie? Ronnie Carrasco III
