MANILA, Philippines – Tutulungan ng Manila Department of Social Welfare and Development (MDSWD) ang apat na biktima ng pagsabog sa Tondo, Maynila.
Ito ay matapos na personal na magtungo si MDSWD Chief Jay Dela Fuente sa lugar na pinangyarihan ng pagsabog sa kanto ng Dagupan Street at Tayuman.
Sa panayam kay Dir. Dela Fuente, magbibigay ang MDSWD ng medical assistance, financial assistance at iba pang assistance na maaaring maipagkaloob sa mga biktima.
“Bibigyan natin sila ng medical assistance, financial assistance at kung ano pang assistance dahil nabalitan ko mga scavenger na nangangalakal sa District 1 na dumayo pa rito,” pahayag ng social worker chief.
Ayon sa Philippine National Police Explosives and Ordnance Division isang compressor ang pinagmulan ng pagsabog sa lugar. CRISMON HERAMIS
