MANILA, Philippines – Malinaw na pasok sa “sufficient in substance” ang ikaapat na impeachment complaint laban kay Vice President Sara Duterte kung saan nagbanta ito na ipapapatay sina Pangulong Bongbong Marcos, First Lady Liza Araneta Marcos at dating House Speaker Martin Romualdez.
Sa ikalawang araw ng deliberasyon ng House Committee on Justice sa impeachment complaint laban kay Duterte ay ipinakita ang kontrobersiyal na November 2025 video ng Pangalawnag Pangulo kung saan nagbanta na i-aassasinate ang 3.
“Kapag pinatay ako, patayin mo si BBM, si Liza Araneta at si Martin Romualdez. No joke, no joke. ‘Pag namatay ako huwag kang tumigil hanggang hindi mo mapatay sila,” sambit ni Duterte sa nasabing video.
Para kay ML Party-list Rep. Leila de Lima, ang pangunahing endorser ng ikatlong impeachment complaint, na ang video ay malinaw na pagpapakita na nagkaroon ng paglabag si Duterte.
“The core ultimate fact alleged here is that instead of resorting to lawful remedies, she contracted an assassin to kill the President, the First Lady, and the former Speaker,” ani de Lima.
“The video is a matter of public record and had even been cited in criminal proceedings, the issue goes beyond political rhetoric and strikes at the heart of the constitutional order,” paliwanag ni de Lima.
Ganito rin ang posisyon ni San Juan City Rep. Ysabel Maria Zamora, aniya, malinaw na nagkaroon ng betrayal of public trust na isa sa grounds para mapatalsik sa pwesto ang isang opisyal.
“It is my position that the threats were conditional is inconsequential. The mere act of engaging an assassin is opposed to her oath — at the very least, it amounts to betrayal of public trust,” ani Zamora.
Sinabi din ni Lanao del Sur Rep. Zia Alonto Adiong na nangyari man o hindi ang banta ni Duterte ay malinaw na isa itong impeachable act.
“The mere fact that it was uttered by a sitting Vice President to threaten a sitting President and claim that she had contracted an assassin to do her bidding is in itself an impeachable act — in itself a betrayal of public trust,” paliwanag ni Adiong.
Tinuring naman ni Manila Rep. Bienvenido “Benny” Abante Jr na “credible threat” ang assassination threat ni Duterte at hindi lamang ito bahagi ng political theatrics.
“That is not political noise. That is a red flag for national stability and constitutional order. The Vice President is not a private citizen and is bound by a higher standard of conduct,” giit nito.
Inihalimbawa naman ni Negros Oriental Rep. Janice Degamo ang nangyari sa kanyang asawa na si dating Gov. Roel Degamo na pinatay, aniya, bago ang asasinasyon sa kanyang asawa ay nakatanggaop din ito ng mga pagbabanta.
“Conditional threats can turn into actual harm. The words from someone in high office carry real-world consequences,” pahayag nito.
Para naman kay Quezon City Rep. Jesus Suntay ang sinambit ni VP Duterte ay bahagi lamang ng free speech at hindi napatunayan na nagkaroon ng pagpaplano ukol sa assassination threat. Gail Mendoza
