Ayon sa San Vicente MPS, ang biktima ay residente ng Sta. Catalina, Ilocos Sur.

Sa inisyal na imbestigasyon, ang biktima ay bumibiyahe papuntang hilagang direksyon.

Pagdating sa pinangyarihan ng insidente, partikular sa paakyat at pakurbang bahagi ng kalsada ay na-overshoot ang driver hanggang sa bumangga ang kanyang motorsiklo sa metal railings ng Urdas Bridge.

Resulta nito, nagtamo ng mga sugat sa iba’t ivang bahagi ng kanyang katawan ang biktima.

Agad na isinugod sa ospital ang biktima.

Gayunman, ang biktima ay idineklarang dead on arrival ng umatending doktor. ROLANDO S. GAMOSO

The post Rider, utas sa metal railings ng tulay first appeared on Remate Online.

Ayon sa mga awtoridad, lumampas sa diagonal runway ang Prime Air Flight 7598 bago magtangkang lumapag dakong alas-2 ng hapon at bumangga sa ilang sasakyan sa ground area ng paliparan.

Limang iba pa ang nasugatan, kabilang ang tatlong nasa kritikal na kondisyon, ayon kay Miami-Dade Fire Chief Ray Jadallah.

Dalawang tao ang na-trap umano sa mga sasakyang tinamaan ng eroplano, habang naipit naman sa loob ng aircraft ang piloto at co-pilot.

Hindi muna inilabas ng mga awtoridad ang pagkakakilanlan ng mga nasawi.

Mahigit 60 rescue units at nasa 200 personnel ang rumesponde sa insidente. Patuloy din umanong inaasikaso ng mga emergency responder ang aktibong pagtagas ng fuel mula sa eroplano.

Agad na sinuspinde ang lahat ng flight sa paliparan matapos ang crash, ngunit dalawa sa apat na runway nito ang muling binuksan pagsapit ng Linggo ng gabi.

Ang bumagsak na eroplano ay isang Boeing 767-300 na galing San Juan, Puerto Rico, ayon sa Federal Aviation Administration (FAA). Ito ay pinatatakbo ng cargo airline na 21 Air para sa Amazon.

Sinabi ng Amazon na patuloy nitong kinokolekta ang impormasyon tungkol sa insidente at nakikipagtulungan sa mga lokal na awtoridad.

“Right now, our absolute priority is the safety, well-being, and care of everyone involved,” pahayag ng Amazon spokesperson na si Kelly Nantel.

Iniimbestigahan ng FAA ang sanhi ng pagbagsak.

Hindi ito ang unang fatal crash na kinasangkutan ng Amazon Prime Air aircraft.

Noong Pebrero 2019, bumagsak sa Trinity Bay ang Atlas Air Flight 3591, isang Boeing 767-300 freighter na nag-o-operate para sa Amazon Prime Air. Tatlong sakay nito ang nasawi. RNT/JGC

The post 5 patay sa pagbagsak ng cargo plane ng Amazon sa Miami first appeared on Remate Online.

Sina Atty. Renault Macarambon na provincial election supervisors ng Lanao del Sur at Mohammad Nabil Mutia ng Maguindanao del Norte ay pinagpalit ng Comelec.

Noong nakaraang Biyernes, ang mga opisyal ng Coordinating Committee on the Cessation of Hostilities, ang Ad Hoc Joint Action Group at ang Joint Peace and Security Team, mga mekanismo ng kapayapaan sa ilalim ng proseso ng pangkapayapaan ng Bangsamoro ay lumagda sa isang pangako para sa pagsasagawa ng mapayapang halalan sa Bangsamoro sa Lanao del Sur.

Nauna nang inilagay ng Comelec ang 21 lokalidad sa Lanao del Sur sa ilalim ng red category, ang pinakamataas na threat classification sa Bangsamoro region.

May kabuuang 26 na lugar sa BARMM ang inilagay sa ilalim ng red category na tumutukoy sa mga lugar na may malubhang banta at kasaysayan ng karahasan na may kaugnayan sa halalan.

Sinabi ni Mutia na mahigpit na ipapatupad ang ‘one entrance, one exit’ policy sa mga lugar ng botohan sa Lanao del Sur upang matiyak ang maayos at malinis na halalan.

Hindi rin papayagan ang mga opisyal ng barangay sa Lanao del Sur na manatili sa loob ng voting center pagkatapos bomoto, ayon kay Macarambon.

Idinagdag pa na ang panukala ay itinampok sa isang pulong ng koordinasyon noong nakaraang linggo kasama ang sektor ng seguridad, mga guro at iba pang stakeholder ng halalan.

Ang panukala ay naglalayong pigilan ang mga opisyal ng barangay sa pakikialam o pag-impluwensya sa halalan, sabi ni Macarambon.

Pinaalalahanan din niya ang mga election officers na manatiling walang kinikilingan at non-partisan upang Malayan mapili ng mga botante ang kanilang mga kandidato sa darating na Bangsamoro elections. Jocelyn Tabangcura-Domenden

The post Comelec nagtalaga ng ‘di bababa sa 2 provincial election supervisor sa BARMM polls first appeared on Remate Online.

Ayon kay Philippine Coast Guard (PCG) spokesperson Commodore Noemie Cayabyab, umalis ang MB San Austin IV sa Semirara island 1;30 ng hapon noong Sabado at inaasahan sanang dumating sa Caminawit Port alas-5 ng hapon.

Dahil hindi nakarating sa nakatakdang oras, sinubukan ng may-ari ng bangka na kontakin ang boat captain ngunit walang tugon.

Bunsod nito, agad siyang humingi ng tulong sa Coast Guard Sub-Station sa San Jose na agad namang nagsagawa ng search and rescue operation.

Bandang 6:30 ng umaga ng Linggo nang matagpuan ng Coast Guard personnel ang bangka na nakataob malapit sa Liwagao island sa Caluya, Antique kung saan nagpalutang-lutang ang nakakapit na mga pasahero.

Gayaunman, isang baabeng pasahero na misis ng isa sa crew member ang namatay sa insidente.

Sa inisyal na imbestigasyon, sinabi umano ng boat captain na sinalubong sila ng malakas na alon at hanging na nagresulta ng pagtaob ng bangka. Jocelyn Tabangcura-Domenden

The post Isa patay, 8 pasahero nailigtas sa tumaob na bangka first appeared on Remate Online.

Layunin ng pagsasanay na palakasin ang kaalaman at kakayahan ng mga responders sa agarang pagtugon sa mga insidente ng pagbaha at iba pang water-related emergencies, kabilang ang search and rescue operations.

Pinangunahan ng LPDRRMO ang training, katuwang ang mga instructor mula sa 525th Combat Engineer Battalion, Combat Engineer Regiment, Philippine Army.

Sa pamamagitan ng ganitong pagsasanay, higit na napaghahandaan ng mga responders ang mga sitwasyong nangangailangan ng mabilis, maingat, at koordinadong pagkilos upang maprotektahan ang buhay ng mga residente sa panahon ng sakuna.

Patuloy na pinaiigting ng Pamahalaang Lungsod ng Las Piñas ang kahandaan ng mga frontliner at emergency responders upang masiguro ang mas ligtas at mas epektibong disaster response sa lungsod. RNT

The post 35 respondenrs mula sa Las Pinas DRRMO, BFP, PNP sumailalim sa flood incident response training first appeared on Remate Online.

Ayon sa Philippine Institute of Volcanology and Seismology (PHIVOLCS), ang ash emission ay naitala 1:09 ng madaling araw, “generated a plume that rose 500 meters above the summit crater that drifted east.”

Nakita ang pangyayaring ito ng Lower Mananawin Observation Station (VKLM) Thermal Camera.

Nananatili naman sa Alert Level 2 ang babala sa bulkan. RNT/JGC

The post Ash emission naitala sa Kanlaon first appeared on Remate Online.

Sa ulat ng mga awtoridad, kabilang sa mga nasamsam ay ang mga hindi dokumentadong diesel fuel na nagkakahalaga ng P72,172,046; smuggled na dayuhang brand ng sigarilyo at mga illegal na trosong Lauan na nagkakahalaga ng P251,999.

Sa kabuuan umaabot sa P99,653,015 ang kabuuang nakumpiskang mga illegal na kontrabando kasama na ang vessel na pinagkargahan sa nasabing mga smuggled na goods.

Pinuri naman ni Rear Admiral Constancio Arturo Reyes Jr., NCWM commander, ang operating units at partner agencies para sa kanilang pagbabantay at koordinasyon.

“These operations reflect NCWM’s sustained commitment to securing the maritime domain of Western Mindanao and preventing its use for smuggling and other illegal activities. We will continue working closely with partner agencies to protect our waters and national interests,” ayon kay Reyes.

Samantala, ang lahat ng nasamsam na items ay tinurn over sa Bureau of Customs–Port of Zamboanga at iba pang kinauukulang ahensiya para sa wastong legal na disposisyon. KRIS JOSE

The post P100M kontrabando nasamsam ng PH Navy sa Western Mindanao first appeared on Remate Online.

Sa ulat ni Manila OIC-City Health Officer Dr. Grace Padilla kay Mayor Francisco “Isko” Moreno Domagoso nitong Lunes ng umaga, sinabi nitong mabilis ang pagtaas ng kaso ng leptospirosis sa lungsod.

Batay sa datos ng Manila Health Department (MHD), mula sa 1.27% attack rate noong nakaraang linggo, pumalo na ito sa 3.48%—patunay umano ng biglaang pagdami ng mga tinatamaan ng sakit.

Mas lalo pang nakababahala ang sitwasyon dahil full capacity na ang ilang district hospital ng lungsod, kabilang ang Ospital ng Maynila, Sta. Ana Hospital at Justice Jose Abad Santos General Hospital, dahil sa patuloy na pagdagsa ng mga pasyente.

Dahil dito, agad nag-utos si Yorme Isko sa mga kinauukulang ahensya ng lokal na pamahalaang Lungsod ng Maynila na doblehin ang kampanya laban sa leptospirosis.

Kasama sa pinaigting na hakbang ang agresibong information campaign para ipaalam sa publiko na may libreng doxycycline capsules sa lahat ng 44 health center at 7 district hospital ng lungsod.

Ayon kay Domagoso, hindi na dapat hintayin pang dumulog ang mga residenteng naapektuhan ng baha.

Sa halip, dapat mismong pamahalaang lungsod—sa pamamagitan ng MHD at 896 barangay—ang lumapit sa mga residente at mamahagi ng doxycycline, partikular sa mga lugar na binaha nitong mga nakaraang linggo.

Babala ng mga awtoridad: Huwag balewalain ang leptospirosis, lalo na sa mga lumusong o nakasalamuha ng tubig-baha. JAY Reyes

The post Maynila nagdeklara na ng epidemya sa leptospirosis first appeared on Remate Online.

Kasunod ito ng pag-endorso ng House committee on appropriations ng P10.15 bilyon ng budget request para sa 2027.

Ang nabanggit na pondo ay 64% na mas mababa kaysa sa kasalukuyang budget ng tanggapan ng Pangulo na P28 bilyon.

Ayon kay Executive Secretary Ralph Recto, sasapat pa rin ang inirekomendang pondo para pangasiwaan ang operasyon ng gobyerno mula sa pagtugon sa kalamidad, paghahatid ng serbisyo publiko, pag-moni¬tor sa mga planong pang-ekonomiya, at pagprotekta sa pambansang interes.

““We are asking for less while remaining fully prepared to do more,” ani Recto.

Ang panukalang budget ay katumbas ng one-seventh lamang ng 1 percent ng panukalang P7.2 trillion national budget, subalit sapay para suportahan ang day-to-day functions ng Pangulo, kabilang na ang Cabinet meetings, policy consultations, presidential engagements at inter-agency coordination.

“The funding will support government responses to emergencies, delivery of assistance to vulnerable sectors, monitoring of economic plans and protection of national interests,” ang pahayag ni Recto.

Sa panukalang budget, P7.46 billion o 74 percent ang inilaan para sa Maintenance and Other Operating Expenses; P1.86 billion o 18 percent para sa Personnel Services; at P839 million o 8 percent para sa Capital Outlay.

Ani Recto ang pagtapyas sa budget ay hindi nangangahulugan na pagbawas sa mga pangangailangan ng OP.

“Every day, the President’s schedule is full because the demands of governing do not pause. But activity alone is not our measure of performance,” aniya pa rin.

Samantala, sinabi ni Recto na ang budget ay inihanda alinsunod sa rules at proseso ngDepartment of Budget and Management (DBM).

“We sought no special treatment,” diing pahayag ni Recto. KRIS JOSE

The post 64% tapyas sa budget, ‘di makaaapekto sa operasyon ng OP- Recto first appeared on Remate Online.