MANILA, Philippines – Tiniyak ng Department of Budget and Management (DBM) sa Department of Social Welfare and Development (DSWD) na maglalaan ng proposed P1.5 billion budget para sa pagtatayo ng Mindanao Disaster Resource Center (MDRC).
Ayon kay DSWD chief Rex Gatchalian ang pagtatayo ng MDRC ay makatitiyak ng agarang tulong sa Southern Philippines at makatutulong sa kahusayan ng mga operasyon sa pagtugon sa kalamidad sa rehiyon.
“Inexplain ko sa kanya na sana rin magkaroon ng ganito sa Mindanao kasi right now our Mindanao center is being catered by the Visayas center. Si Sec. Amenah [Pangandaman] taga-Mindanao sya, she understands fully the importance of creating another hub,” ani Gatchalian.
Sa kabilang banda, saad ni Pangandaman: “So, mag-uusap kami ni Sec. Rex kung magkano ang kanyang kinakailangan para makapagpatayo tayo ng ganito. Sana masimulan natin within the year yung structure at ma-order na rin yung mga equipment.”
Bukod sa pagtatayo ng pasilidad, ipinakita rin ng DSWD sa DBM executives ang Buong Bansa Handa (BBH) program at ang bagong install na mechanized production system (MPS).
“The BBH program taps two supply chains to deliver the basic food and non-food requirements of disaster victims. The first supply chain features an expanded network of warehouse facilities of local government units, provincial governments, and other national government agencies, while the other one will be private-sector driven,” ayon sa ahensya. RNT/MND
