MANILA, Philippines – Mayroon nang bagong Court Administrator ang Korte Suprema sa katauhan ni Sandiganbayan Associate Justice Ma. Theresa Dolores Gomez-Estoesta.
Itinalaga si Associate Justice Gomez-Estoesta bilang kapalit ni dating Court Administrator Raul Villanueva na ngayon ay nagsisilbi nang Associate Justice ng Supreme Court.
Epektibo ang kaniyang panunungkulan mula ngayong Lunes, unang araw ng Setyembre.
Bago maitalaga bilang Court Administrator ng SC, nanilbihan din si Estoesta sa Office of the Solicitor General, at naging hukom ng iba’t ibang Korte sa Maynila hanggang noong 2014 bago siya italaga sa Sandiganbayan kung saan pinamunuan niya ang Seventh Division. Jocelyn Tabangcura-Domenden
